Bilaketa
Itzuli bilaketara
IZENA

Tentsio baxuko korronte zuzeneko (DC) mikrosarea

AZALPENA

48 V-ko tentsio nominaleko mikrosare bat da, hainbat energia metatze-sistema eta eguzki panel dc-dc bihurgailuen bidez integratzen dituena. Hortaz gain, elikadura-iturri eta karga programagarri bat daude generazio eta kontsumo profilak emulatzeko. Mikrosare honen helburu nagusia biltegiratze eta generazio sistemen simulazio modeloak eta kontrol teknikak frogatzea, aztertzea eta balioztatzea da, bai eta sistema elektrikoetarako energia-kudeaketako estrategiak ere.

EKIPO ETA OSAGAI GARRANTZITSUENAK

15 kW-ko disipazio-karga, karga-modu desberdinekin: korronte konstantea, erresistentzia konstantea eta potentzia konstantea.
Urrutitik kontrola daiteke Chromaren Softpaneletik eta baita LabVIEW bidez ere.

Korronte zuzeneko iturri kontrolagarria, 2 kW-koa (150 V/40 Ako gehienezko balioekin), funtzio desberdinekin. Urrutitik kontrola daiteke, Chromaren Softpanel kontrol-panelaren bidez (jarraian deskribatzen den karga programagarriarekin batera), mikrosarean generazio eta karga profilak emulatzeko. Gainera, eguzki-panel multzo bezala programatua izan daiteke Chromaren beste software bat erabiliz, eguzki-panelen emuladore honen aurka MPPT teknika edo dc bihurgailu ezberdinak frogatzeko.
Beste abantaila bat da LabVIEW erabiliz urrutitik kontrola daitekeela (Chromak zehazki helburu honetarako garatutako VIak daude).
Ordenagailura serieko komunikazioa erabiliz konektatzen da.

500 W-eko potentzia nominala eta 48 V-ko tentsio nominala duten lau etengailutako 5 Buck-boost bihurgailu daude, Texas Instruments TMS320F28335 DSPekin kontrolatuak. Bihurgailu horiek generazio eta energia metatze sistemak mikrosarera konektatzeko erabiltzen dira.
Kontrol-estrategia oro inplementatu daiteke kontrolatzaile horietan C kodea zuzenean sortuz edo Simulinken ereduen bidez.

Bi norabideko dc-dc bihurgailua, 120 A-ko korronte nominalekoa eta 200 A-ko korronte maximokoa.
750 V-ko sarrera-tentsio nominala eta 360-750 V-ko irteera-tentsio nominaleko tartea.
% 85-97ko efizientzia.
Kontsigna analogikoen bidez kontrolatzen da.

Speedgoat SN5195 hardware-in-the-loop (HIL) plataforma Plataforma honetan instalatutako Speedgoateko sarrera-/irteera-moduluak honako hauek dira: IO204 (S/I digital paraleloko modulua), IO334 (Simulinkeko FPGA analogiko programagarriko modulua), IO334 (2) eta IO334-21 (S/I seinaleak egokitzeko plug-in bat, S/I moduluetarako).
Ekipo honi esker, sistema fisikoen simulazioak egin daitezke denbora errealean (sistema elektrikoak, bihurgailu elektronikoak, etab.), eta kontrol-teknikak balioztatu daitezke kanpoko kontrol eta energia-kudeaketako plataformen bitartez.

AKTIBOAK ESKAINTZEN DITUEN ZERBITZUAK

services book icon
802

48 V-ko tentsio nominaleko dc-dc bihurgailuen topologiak balioztatzea

services book icon
801

Bihurgailuak kontrolatzeko teknikak eta aktibo energetikoen kudeaketa energetikorako estrategiak balioztatzea

services book icon
803

Kontrol plataformen eta kontrol tekniken denbora errealeko balidazioa

services book icon
804

Kontrolen prototipado azkarra (RCP)

AKTIBOA KUDEATZEN DUEN ERAKUNDEA

Mondragón Goi Eskola Politeknikoa JMA SCoop

Harremanetarako pertsona: Eneko Unamuno Ruiz

Erlazionatutako beste aktibo batzuk

Hitz egiguzu zure beharraz

Utziguzu zu hobeto ezagutzen. Zure enpresaren produkzio-sistemaren eraginkortasuna hobetuko duten teknologia adimendunak eta material aurreratuak inplementatu nahi badituzu balio erantsi handiagoko soluzioak eskaintzeko, bete formulario hau.

Scroll To Top