• eu
  • es
  • en
  • Tamaina handiko osagaiak hari zentrokidearen jalkitze bidez eraikitzeko zelda robotikoa

    Tamaina handiko 3Dko inprimatze metalikoa hariko laser-cladding bidez: 6 askatasun-graduko (ag) zelda robotikoa, biraketa-mahai bat eta tilt gehigarria (2 ag) dituena, tamaina handiko osagaiak (1 m3-erainoko bolumena, gutxi gorabehera) 6 kg/h-rainoko jalkitze-tasa handietan eraikitzeko. Kanpo-egituretan jalkitzeko aukera, arkuak (WAAM) duen material-kostuaren antzekoarekin eta ibilbideak sortzeko askatasunarekin. Edozein materialetan hariarekin sortutako 3Dko geometriak jalkitzeko eta ikertzeko aukera. Aktibo horrez gainera, Teknikerrek barne hartzen ditu kalkulu estrukturalaren ahalmenak (optimizazio topologikoa), materialen analisia (mikroskopia optikoa eta elektronikoa), 5 ardatzeko mekanizazio bidezko akabera-eragiketak, tratamendu termikoak, gainazalen estaldurak eta hautsaren eta hari zentrokidearen teknologiara egokitutako robotetarako jalkitze-ibilbideak sortzea. Horrez gainera, probetak eta osagaiak fabrikatu daitezke oxigenoarekiko erreaktiboak diren materialekin, gainpresio bidez gas geldoko atmosfera bat eratzen duen poltsa-sistema bati esker.

      EKIPO ETA OSAGAI GARRANTZITSUENAK

    • 4 kW bitarteko potentziako zuntz-laserra
    • 8 askatasun-graduko robota eta mahaia 1 m3-erainoko osagaietarako. Robot-ibilbideak eratzeko CAMa
    • Atmosfera kontrolatzeko poltsa-sistema
    • Hari zentrokideko jalkitze-burua
    • Osagaiak eraikitzeko kontrol geometrikoaren sistema

    Ámbitos de aplicación

    AM Digital Chain. Kate digitala

    AM diseinua eta aurre-prozesu digitala

    AM prozesuen balidazioa

    AM/3D Printing prozesua

    Post-prozesua

    Teknologia eta prozesu laguntzaileak

    AKTIBOAK ESKAINTZEN DITUEN ZERBITZUAK

    Demostrazioa/Gerturatzea

    Tamaina handiko osagaiak hari zentrokidearen jalkitze bidez eraikitzeko erakuslea

    Hariko LMD teknologia eta ekipamendua garatzea

    Ingurune edo geometria berezietan jalkitzeko teknologia bereziaren (buruak, optikoak) eta ekipamenduaren garapena, saiakuntzak eta baliozkotzea. LMD bidez harian jalkitzeko buruak txertatzeko makineria egokitzea.

    Kontrol-sistemen garapena

    Begizta itxiko kontrol-sistemen garapena, material jalkiaren kontrol geometriko eta termikorako.

    Prestakuntza

    Prestakuntza praktikoa hari zentrokidearen jalkitze bidez tamaina handiko osagaiak eraikitzeko prozesu guztian (diseinua, kalkulua, materialen analisia, prozesua, estaldurak, NDT).

    Prozesuaren garapena

    Aleazio metaliko berrien hariko LMDrako jalkitze-parametroen eta -estrategien garapena. Ondorengo saiakuntzak (metalografia, nekea, karakterizazio mekanikoa, etab.)

    Tamaina handiko 3Dko geometriak eraikitzea

    Tamaina handiko (> 300 mm) hiru dimentsioko osagaien fabrikagarritasuna probatzea jalkitze-tasa handietan zenbait materialetan, hari zentrokidean oinarritutako laser-teknologia eraginkor eta merkeenaren bidez.

    AKTIBOA KUDEATZEN DUEN ERAKUNDEA

    FUNDACIÓN TEKNIKER
    Harremanetarako pertsona:
    Carlos Soriano