Prentsa Isostatiko Beroa – HIP

AZALPENA

ASEA prentsaren QIH-6 modeloa, 2000 atmosfera (200 MPa) arteko presiora eta 2000 °C arteko tenperaturara hel daiteke grafitozko berogailua badu edo 1450 °C arteko tenperaturara Mo berogailuarekin. Espazio erabilgarria: 110 mm-ko diametroa eta 240 mm-ko altuera. 30 kg arteko lan-karga izan dezake. Lan-atmosfera estandarra Ar izan daiteke, eta, tarteka Nitrogenokoa, grafitozko berogailuarekin. Metalezko harizko bobina bidez aurretentsatutako ontziaren barruko aldea da espazio erabilgarria. Ontzi hori haustura-mekanikaren irizpideei jarraiki diseinatu da, segurtasuna bermatzeko. Esfortzu axialak goiko eta beheko itxituretan kokatu den euskarri-etxeen bidez gainditzen dira. Ekipo hau oso malgua da zikloak, arrapalak eta mantentze-lanak diseinatzeko, dela tenperatura edo dela presio ezberdinetarako, eta porositatea ixteko zein tratamendu termikoetarako erabiltzen da, ekoizpen-prozesuak sinplifikatzeko.