Bilaketa
Itzuli bilaketara
IZENA

Piezak berreraikitzeko 3D ikusmen-sistema, akatsak detektatzeko erabilgarria, bai eta robot malguen bidez piezak lokalizatzeko eta grasping-a egiteko

AZALPENA

Hardwarearen eta softwarearen batura da sistema.
Hardwareari dagokionez, 3D ikusmeneko zenbait sistema industrialek osatzen dute. Aplikazioaren eskakizunetara egokitzeko lagungarri diren zenbait ezaugarri dauzkate sistemek: atzitze-abiadura, doitasuna, estali beharreko eremuaren tamaina, eramangarritasuna eta abar.
Akatsak detektatzeko, pieza ezagunen errore geometrikoen detekzioa egin dezake softwareak. Ingurunetik puntu-hodei bat atzitzeko ahalmena duen 3D ikusmeneko sistema bat erabiltzen da horretarako. Piezak handiak badira, piezaren zenbait bista egin eta batu egin daitezke irudi orokor bat sortzeko, doitasun-mailari eutsiz. Puntu-hodeia lortu ondoren, piezaren eredu teorikoarekin, erreferentzia-eredu batekin, CAD batekin... lerrokatu behar da. Lerrokatu ondoren, elkarrekin alderatu behar dira ereduaren puntuak eta eszenarenak. Koloretako mapa bat sortzen da, haien arteko desberdintasunak bistaratzen dituena, eta erroreak detektatzeko prozesu bat garatzen da. Hala, atzipenetik piezaren akats geometrikoen detekzioraino automatizatzen da prozesua.
Robot malguen bidez piezak lokalizatu eta graspinga egiteko aplikazioen kasuan, softwarea diseinatuta dago ingurunearen egoera atzitzeko eta robotari koordenatuak bidaltzeko, pieza jakin bat har dezan. 3D ikusmeneko sistema bat, robot bat eta atzapar-sistema bat ditu. Sistemak bere burua kalibratzen du; ikusmen-sistemaren eta robotaren arteko kalibrazio-prozesu bat dago. Ikusmenaren alderdiak pieza ezagun bat lokalizatzen du ikusmen-eremuan robotaren posizioa zuzentzeko, pieza bakoitza modu efizientean hartzeko gai izan dadin. Atzapar-sistemak, berriz, oratze-posizioa optimizatzen du, atzaparraren eta piezaren orientazioa aintzat hartuta. Piezen CAD ereduak erreferentzia gisa erabiltzen dira; robotak lokalizazio-eskari bat egiten du, eta ikusmen-sistemak piezaren posizioa itzultzen du, robotaren erreferentziatan.

EKIPO ETA OSAGAI GARRANTZITSUENAK

AKTIBOAK ESKAINTZEN DITUEN ZERBITZUAK

services book icon
155

Aplikazio robotizatuetarako malgutasuna

services book icon
158

Nodoko agenteak eskaintzen dituen zerbitzu orokorrak

services book icon
157

Robot bidezko kalitate-kontrola.

services book icon
154

Robot bidezko manipulazio aurreratua

services book icon
156

Robot bidezko osagai-fabrikazioa eta -mihiztatzea

AKTIBOA KUDEATZEN DUEN ERAKUNDEA

FUNDACIÓN TECNALIA RESEARCH & INNOVATION

Harremanetarako pertsona: Karmele Florentino

Erlazionatutako beste aktibo batzuk

Hitz egiguzu zure beharraz

Utziguzu zu hobeto ezagutzen. Zure enpresaren produkzio-sistemaren eraginkortasuna hobetuko duten teknologia adimendunak eta material aurreratuak inplementatu nahi badituzu balio erantsi handiagoko soluzioak eskaintzeko, bete formulario hau.

Scroll To Top