basque digital innovation HUB logo
Itzuli bilaketara

IZENA

Laborategia eta instalazio pilotua ibilbide heze bidezko estaldura aplikatzeko.

AZALPENA

Gainazalen akabera (elektro)kimikoa:
Prozesu (elektro)kimikoak egiteko laborategi guztiz hornitua: hainbat bolumenetako pila elektrokimikoak (10 l-rainokoak), potentziostato-galvanostatoak, murgilketa bidezko estaldura, ihinztadurazko estaldura, eskularru kutxa, bainu termostatikoak, atmosfera kontrolatuko sinterizazio-labeak, zunda ultrasonikoak, ICP, IC, Z potentziala eta KOG, besteak beste.

Instalazio pilotu erdi-industrialean honakoak aurki ditzakegu:
• 250 l-rainoko urmaelak zenbait berogailurekin, hozteko kiribila, agitazio mekanikoa, agitazio pneumatikoa, kontraelektrodoak toki desberdinetan jartzeko aukera, maila-zunda, estalkia eta xurgatze-kanpaia.
• Simulazio elektrokimikoko eta modelatze-softwarea (COMSOL Multiphysics), estalketa galvanikoko prozesuak ulertzen, hobetzen eta kontrolatzen laguntzen duena.
• Instalazio elektrokimiko piloturako monitorizazio- eta kontrol-software bat erostea pentsatu da, instalazioaren konektagarritasuna fabrikazioa gauzatzeko sistema batekin (MES, ingeleseko siglak direla eta) ezartzeko. Horrela, osagaien fabrikazio-instalazio osoa bertatik kudea daiteke.

Estaldura zeramikozko babesa:
Muturreko baldintza industrialen pean (kimikoa, tenperatura, presioa) dauden osagai metalikoetarako (karbono-altzairua, altzairu herdoilgaitza, aleazio handiko altzairuak eta aleazio galdatuak) estaldura zeramikozko babes berrian oinarritutako teknologia berritzaile bat. Ikuspegi teknologiko honek soluzio ekologikoa eta eraginkorra ematen du; osagaiak degradazio kritikoaren aurka babesten ditu, eta fouling delako fenomenoa eta korrosioa saihestean, eraginkortasun energetikoa mantentzen du.

Estaldura zeramikozko babes honek lodiera egokia eduki behar du (±150 µm). Era berean, substratu metalikoarekin lotura kimikoa ezarri behar du, gainazal leunarekin, errautsak, azpiproduktuak, likidoen fouling delakoa eta korrosio-degradazioa saihestuz. Babes zeramiko honek hainbat propietate ditu, eta haien artean hauek nabarmendu daitezke, besteak bete: erraz garbitzeko propietateak, emisibitate altua, azido industrial ohikoenetarikoekiko eta gatz-produktuekiko (beroak eta hotzak) erresistentzia kimikoa, 800 ºC-rainoko erresistentzia termikoa (substratu metalikoaren tenperatura), urradurarekiko erresistentzia altua eta gogortasuna (64HRc - 840Hv).

Inprimaketa-teknologia:
CIDETEC-eko inprimaketa-teknologia anezka-mahai erdiautomatikoko serigrafia-makina batean oinarrituta dago; inprimaketa-mahai mugikor bat du, material zurrun eta malguetan inprimatzeko, geroago aplikazio elektronikoetan erabiltze aldera:
• Inprimatze-tamaina (mm): 550 x 750.
• Substratuaren gehienezko lodiera (mm): 20.
• Doitasun handiko serigrafia eta erabiltzeko erraza maila teknologiko altuenean, gehienezko doitasuna lortzeko, inprimaketa-eskakizunak edonolakoak direla ere.
• Makinaren kontzeptu osoak prestatze-denbora laburrak eta erabilera ekonomikoa ahalbidetzen ditu.
Tanten kontrako eginbideak inprimaketa-kalitate ezin hobea ematen du eta tinta zeharrargiko aplikazioekin ondo funtzionatzen du.

Sol-gel estaldurak:
CIDETEC-en instalazioetan sol-gel eta estaldura funtzionalak aplikatzeko tresnak daude: bainu-iztukagailuak, tamaina handiko laginetan erabiltzeko (30 x 40 cm-rainokoetan) hainbat margotzeko pistola, besteak beste. Ontze termikoa, infragorri bidezkoa eta ultramore bidezkoa egin daitezke, formulazio motaren edo prozesuaren eskakizunen arabera.

Laborategiko eremu batean proiektuaren araberako sol-gel estaldurak garatzeko ekipamendu zientifikoa dago. Horrez gain, teknika ugari eskuragarri daude (ekortze-kaliometria diferentziala [DSC, ingeleseko siglak direla eta], Fourier-en transformatu bidezko espektroskopia infragorria FTIR, biskosimetria, lodiera interferometriaren bidez neurtzea…), formulazioen eta estalduren propietateak behar bezala karakterizatzeko.

Karakterizazio-laborategia:
Horrez gain, gainazalak karakterizatzeko laborategian, estalduren propietate fisikoak, mekanikoak eta kimikoak azter daitezke (zimurtasuna, morfologia, mikroegitura, termografia, korrosioa, higadura, tribokorrosioa, gogortasuna, hezegarritasuna, distira, kolorea, etab.). Halaber, bestelako ekipamendua dago, esaterako, berokuntzako mikroskopioa, tenperatura altuko probak, mikroskopioa, mikrogogortasuna, etab.

EKIPO ETA OSAGAI GARRANTZITSUENAK

Margotzeko pistolak, presio baxuko gailuak, pintatzeko kabina robotikoa, tenperatura kontrolatuko murgilketa bidezko estaldura eta spin-iztukagailua barne. +

Margotzeko pistolak, presio baxuko gailuak, pintatzeko kabina robotikoa, tenperatura kontrolatuko murgilketa bidezko estaldura eta spin-iztukagailua barne.
Pintatzeko kabina robotikoa 2019n edukitzea espero da. Gainerako tresnak CIDETEC-en ditugu jada

Nahasteko eta mikronizatzeko errotak, pintaketa-hezeko kabina eta tratamendu termikoko labeak +

Nahasteko eta mikronizatzeko errotak, pintaketa-hezeko kabina eta tratamendu termikoko labeak
Erosketa-data: 2013

Serigrafia-makina (Thieme 1010E) +

Serigrafia-makina (Thieme 1010E)
Erosketa-data: 2008

Simulazio elektrokimikoko eta modelatze-softwarea +

Simulazio elektrokimikoko eta modelatze-softwarea (COMSOL Multiphysics), estalketa galvanikoko prozesuak ulertzen, hobetzen eta kontrolatzen laguntzen duena.
Erosketa-data: 2018

Urmael elektrokimiko +

250 l-rainoko urmaelak bi berogailurekin, hozteko kiribila, agitazio mekanikoko sistema, agitazio pneumatikoko sistema, kontraelektrodoak toki desberdinetan jartzeko aukera, maila-zunda, estalkia eta xurgatze-kapota.
Erosketa-data: 2012

AKTIBOAK ESKAINTZEN DITUEN ZERBITZUAK

services book icon
573

Estaldura funtzionalak (adibidez, korrosioaren aurkako babesa, gaitasun antiestatikoen edo omnifobikoen bidezko autogarbiketa)

services book icon
572

Estaldura metalikoak, zeramikoak, konposatuak eta hibridoak garatzea eta aplikatzea.

services book icon
575

Gainazala prestatzea, garbitzea eta leuntzea

services book icon
574

Serigrafia. Tinta konbentzionalen edo funtzionalizatuen estaldura aplikatzea

services book icon
571

Tenperatura altuetara dauden muturreko ingurune kimikoekiko erresistentziadun estaldurak

AKTIBOA KUDEATZEN DUEN ERAKUNDEA

CIDETEC

,

Harremanetarako pertsona:

Patricia López Ruiz

plopez@cidetec.es

imprimir

Eska iezaguzu 4.0 proposamen bat

Erlazionatutako beste aktibo batzuk

Eskatu zure proposamena

Hobeto ezagutu nahi zaitugu. Erantzun galdera batzuk eta zure 4.0 bitartekariak 4.0
konponbideak txertatzeko proposamen onena aurkeztuko dizu.

  • OrdenNecesidades 
    numera del 1 al 3 siendo el 1 tu mayor prioridad
  • SPRI-Enpresa-garapenerako Euskal Agentziak, datuen tratamenduaren arduraduna izanik, zure datu pertsonalak jasotzen ditu gure laguntza-programa eta zerbitzuekin lotutako zerbitzuak eskaintzeko. Harekin harremanetan jartzeko, idatzi lopd@spri.eushelbidera. Tratamendu horren helburuei eta zilegitasunari buruzko informazio gehiago izateko eta dagozkizun eskubideen xehetasunak jakiteko, helbide honetara jo dezakezu: www.spri.eus/politicaprivacidad