Alcorta Forging Group Elgoibarren (Gipuzkoa) kokatutako enpresa bat da, 100 urte baino gehiagoko ibilbidea du forjaketaren sektorean eta Txina, AEB eta Hegoafrikan du presentzia.

Altzairuzko beroko forjaketa-prozesuan, baldintzak oso gogorrak dira, prozesatze-hondakinen eta tenperatura handien ondorioengatik, eta horregatik, IoT, IA edo Big Data bezalako teknologiak ezarriz, prozesua kontrolatzeko sistema bat garatu da, eredu iragarleen bidez, beroko forjaketa-prozesuan bikaintasuna lortzeko helburuarekin, automobilgintzaren merkatu zailean lehiakorrak izateko.

Begiratu bideoa!

Beharra:

Fabrikazio-prozesuko datuak kalitate-datuekin erlazionatzen dituzten machine learning ereduak sortu. Era honetan, denbora errealean lortutako datuetan oinarrituz, piezen kalitatea aurreikusteko aukera ematen duen eredu bat lortuko da: lehen fase batean muturreko inguruneetan emandako datuak lortu, hauek fabrikazio lote bakoitzean irakurri eta aztertuko dira.

Konponbidea behar duen enpresaren arloa:

Automobilgintza

Konponbidearen onurak:

• Produkzio prozesuaren datuak denbora errealean aztertzea
• Iragarpen-ereduak sortzea machine learning bidez

Sartutako teknologia berriak:

• 3D
• Machine Learning